اورکزئی سکاؤٹس کی کارروائی، اسلحہ سمگل کرنے کی ناکام بنا دی

اورکزئی (مانند نیوز)قبائلی ضلع اورکزئی میں وام پانڑہ چیک پوسٹ پر اورکزئی سکاوٹس234 ونگ فرنٹیر کور نے کاروائی میں موٹر کار سے بڑی تعداد میں اسلحہ برآمد کرکے 3 ملزمان گرفتار کرلئے۔اس حوالے سے سیکیورٹی ذرائع نے بتایا کہ علاقہ وام پانڑہ میں قائم ایف سی چیک پوسٹ پر تلاشی کے دوران موٹرکار سے 1 عدد آر پی جی سیون بمعہ گولہ،2 کلاشنکوف بمعہ5عدد میگزین،2 پستول بمعہ2عدد میگزین اور متعدد کارتوس برآمد کرکے 3 ملزمان ظاہر ولد پیر گل،احمد عباس ولد محمد شفیق اور علیم عباس ولد نامعلوم گرفتار کر لئے۔سیکیورٹی ذرائع نے بتایا کہ یہ اسلحہ سنٹرل اورکزئی سے کوہاٹ سمگل کیا جارہا تھا. 234ونگ نے اسلحہ سمگل کرنے کی کوشش ناکام بنادی۔