پشاور پولیس نے غیر قانونی سگریٹ کی بھاری کھیپ برآمد کرلی

پشاور (مانند نیوز ڈیسک) پشاور پولیس نے گزشتہ روز خفیہ اطلاع پر کامیاب کارروائی کے دوران غیر قانونی سگریٹ کی بھاری کھیپ برآمد کر لی۔تفصیلات کے مطابق گزشتہ روز ایس ایچ او تھانہ آغامیرجانی شاہ واجدعلی کو خفیہ اطلاع ملی تھی کہ رنگ روڈ پر قائم ایک گودام میں غیر قانونی سگریٹ کی بھاری کھیپ موجود ہے جس کو دیگر شہروں کو سمگل کرنے کی تیاریاں کی جا رہی ہے جس پر فوری کارروائی کرتے ہوئے پولیس نے گودام سے غیر قانونی سگریٹ کی بھاری کھیپ برآمد کر لی جس کی مالیت لاکھوں روپے بتائی جا رہی ہے۔ برآمد ہونے والے سگریٹس غیر قانونی اور کسٹم ڈیوٹی کی ادائیگی کے بغیر دیگر شہروں کو سمگل کرنے کی کوشش کی جا رہی تھی جو ضروری کارروائی کے بعد (ٹیکس) کی ادائیگی کی غرض سے ایف بی آر حکام کے حوالے کر دی گئی ۔