اسلام آباد (مانند نیوز ڈیسک) اسلام آباد میں ہیلتھ کئیر ورکرز کی ویکسین رجسٹریشن بندکر دی گئی۔ ہیلتھ کئیر ورکرز کی ویکسین رجسٹریشن ایک ہفتے سے رکی ہوئی ہے۔ڈسٹرکٹ ہیلتھ آفیسر(ڈی ایچ او)نے کہا کہ ہیلتھ کئیر ورکرز کو ویکسین رجسٹریشن کے لیے ڈیڑھ ماہ سے زیادہ وقت دیا گیا تھا، اب ہیلتھ کیئر ورکرز کو ہسپتال جا کر رجسٹریشن کے لیے کہا گیا۔ صرف60 سال سے زائد عمر کے افراد کی ویکسین رجسٹریشن جاری ہے جن ہیلتھ کئیر ورکرز کی رجسٹریشن ہو چکی ان کی ویکسی نیشن جاری ہے۔ رجسٹرڈ ہیلتھ کیئر ورکرز کو ویکیسن کی دوسری ڈوز لگانا شروع کر دی گئی۔دوسری جانب رہنما ینگ ڈاکٹرز ایسوسی ایشن ڈاکٹر اسفندیار نے کہا کہ پورے ملک میں ہیلتھ کیئر ورکرز کی رجسٹریشن بند کردی گئی، جو ایک افسوسناک بات ہے۔واضح رہے کہ پاکستان میں 24 گھنٹے کے دوران کورونا ٹیسٹ مثبت آنے کی شرح11 اعشاریہ 2 فیصد تک جاپہنچی ہے، کورونا وائرس سے ایک دن میں مزید 41 افراد جاں بحق ہوگئے۔
