لاہور (مانند نیوز) کے غازی آباد تھانے میں تھانیدار کا ذہنی معذور لڑکی سے زیادتی کا کیس سامنے آیا ہے۔
پولیس کے مطابق ملزم عمران نے تھانے کے اندر معذور لڑکی کو زیادتی کا نشانہ بنایا، ملزم لڑکی کو گھر سے موٹر سائیکل پر تھانے لایا اور کمرے میں لے گیا۔
ملزم تھانیدار نے لڑکی کے گھر والوں کو بتایا ہے کہ لڑکی مقدمے میں مطلوب ہے۔
ڈی آئی جی آپریشنز فیصل کامران کے مطابق ایس ایچ او سمیت غازی آباد تھانے کی تمام نفری کو معطل کر دیا گیا ہے۔
ایس ایچ او غازی آباد، 2 سب انسپکٹر، 8 اے ایس آئیز سمیت 78 اہلکار معطل کیے گئے ہیں، معطل ہونے والوں میں فرنٹ ڈیسک کا عملہ بھی شامل ہے۔
ڈی آئی جی آپریشنز فیصل کامران نے کہا ہے کہ ناقص سپروژن اور انتظامی ذمے داری پوری نہ کرنے پر کارروائی کی، تھانے میں ہر سرگرمی ایس ایچ او کے علم میں ہونی چاہیے۔
پولیس کے مطابق علی زیب دستگیر کو نیا ایس ایچ او غازی آباد تعینات کر دیا گیا ہے۔