کوئٹہ (مانند نیوز ڈیسک) پاکستان کوسٹ گارڈز نے بلوچستان کے ساحل سمندر سے کروڑوں روپے مالیت کی غیر ملکی شراب برآمد کر لی۔ترجمان کوسٹ گارڈز کے مطابق بلوچستان کے ساحل سمندر سے 3805 بوتلیں غیر ملکی شراب برآمد کی گئی، برآمد شدہ غیر ملکی شراب اندرون ملک سمگل ہونا تھی۔ترجمان کوسٹ گارڈز کے مطابق پکڑی جانے والی منشیات کی مالیت کروڑوں روپے کے لگ بھگ ہے۔ترجمان کوسٹ گارڈز کی جانب سے منشیات کی روک تھاک سے متعلق دیئے گئے اپنے پیغام میں کہا گیا ہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے۔