اسلام آباد (مانند نیوز ڈیسک) حکومت اور کالعدم تحریک لبیک کے درمیان مذاکرات کے بعد لاہور میں انٹرنیٹ سروسز بحال کردی گئیں۔پی ٹی اے نے بتایا ہے کہ منگل کو لاہورکے چوک یتیم خانہ میں انٹرنیٹ سروسز بحال کردی گئی ہیں۔ یتیم خانہ چوک کے اطراف میں 10کلومیٹر تک ڈیٹا سروسز بند کی گئی تھیں تاہم اب پی ٹی اے نے ڈیٹا سروسز پر پابندی ختم کردی ہے۔لاہور میں شاہدرہ سے ٹھوکر نیاز بیگ اور بند روڈ سے گلبرگ تک کے بیشتر علاقوں میں انٹرنیٹ سروس بند تھیں جبکہ مزنگ، لٹن روڈ، چوبرجی، جیل روڈ، مال روڈ، ریوازگارڈن اور داتا دربارو ملحقہ علاقوں میں بھی موبائل اور انٹر نیٹ سروسز دونوں متاثر ہوئی تھیں۔شہریوں کو سوشل میڈیا اور آن لائن امور انجام دینے میں شدید مشکلات کا سامنا تھا۔