اسلام آباد(مانند نیوز ڈیسک)سویڈن کی وزیر خارجہ نے وزیر خارجہ شاہ محمود قریشی کو ٹیلی فون کرکے دوطرفہ تعلقات اور افغانستان کی موجودہ صورتحال پر تبادلہ خیال کیا۔ سویڈن ہم منصب سے ٹیلی فونک گفتگو میں وزیر خارجہ شاہ محمود قریشی نے کہاکہ پاکستان خطے میں قیام امن کیلئے افغانستان کے جامع سیاسی تصفیے کو ناگزیر سمجھتا ہے۔ پاکستان افغانستان میں اجتماعیت کی حامل حکومت کا خواہاں ہے۔ سویڈن کی وزیر خارجہ نے افغانستان سے انخلاء کے عمل میں خصوصی تعاون پر پاکستانی قیادت کا شکریہ ادا کیا۔ وزیر خارجہ شاہ محمود نے سویڈن کی وزیر خارجہ کو دورہ پاکستان کی دعوت دی