جمرود، سکول پرنسپل نے ہمارے دکان کو غیرقانونی طور پر مسمار کردیا ہے، حفیظ اللہ

جمرود (مانند نیوز ڈیسک) جمرود پریس کلب میں حفیظ نامی شخص نے پریس کانفرنس کرتے ہوئے کہا کہ شہید عبدالاعظم ہائیر سیکنڈری سکول جمرود میں انکا ایک عدد ٹک شاپ ہے جس کا قانونی قبضہ گزشتہ 23 سال سے میرے والد نیازبادشاہ اور اب نیازبادشاہ کے بیٹوں کے پاس تھا اس کو گزشتہ روز سکول پرنسپل شاہجہان آفریدی نے اپنے اختیارات کا ناجائز استعمال کرکے مسمار کردیا۔ مذکورہ سکول میں میرا والد نیازبادشاہ سکول چوکیدار تھا اب وہ ریٹائرڈ ہونے کے بعد میرا بھائی سن کوٹہ پر انکی جگہ بھرتی ہوکر ڈیوٹی سرانجام دیتا ہے۔ دکان کو اس وقت پولیٹیکل انتظامیہ سے باقاعدہ طور پر منظور کرلیا گیا تھا اور اب بھی تمام تر قانونی دستاویزات ہمارے پاس ہے۔ سکول پرنسپل کی ڈیمانڈ آدھی تیری آدھی میری پورا نہ کرنے پر بار بار نوٹس دیتا رہا کہ دکان خالی کردیں لیکن معاملہ عدالت تک گیا۔ عدالتی احکامات کے روشنی میں کرایہ بھی باقاعدہ طور پر دیتا رہا لیکن اس کے باوجود بھی بغیر پیشگی اطلاع دکان کو مسمارکردیا جس میں لاکھوں روپے کا سٹیشنری وغیرہ موجود تھا جو کہ وہ بھی ضائع اور خراب کردیا۔ اب سکول پرنسپل میرے بھائی عبدالرحمان کو بے جا تنگ کرتا ہے جو کہ اسی سکول میں چوکیدار ہے۔عدالتی فیصلے کا احترام کیا جائے ہم حکومت وقت کے تمام متعلقہ افسران سے پریس کانفرنس کے ذریعے درخواست کرتے ہیں کہ ہمیں انصاف دلایا جائے۔