پشاور (مانند نیوز ڈیسک) سٹی ٹریفک پولیس نے ڈرائیونگ کو محفوظ بنانے، ٹریفک کی روانی برقرار رکھنے اور ٹریفک قوانین پر عملدرآمد کرنے کی خاطر جاری مہم میں یکم اپریل سے نوپارکنگ کی خلاف ورزی،بغیر پرمٹ اور بغیر لائسنس گاڑیاں چلانے اور اوور سپیڈنگ کرنے پر مجموعی طور پر 13849 افراد کے خلاف کارروائیاں کی ہیں۔تفصیلات کے ٹریفک قوانین کی خلاف ورزی کرنے بغیر پرمٹ اور بغیر لائسنس گاڑیاں چلانے، اوور سپیڈنگ اور اشاروں کے غلط استعمال کرنے پر مجموعی طور پر 13849 افراد کے خلاف کارروائیاں کی گئیں۔ شہر بھر میں شہریوں میں شعور اجاگر کرنے کی خاطر روزانہ کی بنیاد پر ایجوکیشن ٹیم کی جانب سے اگاہی مہم جاری ہے جس کے دوران پمفلٹ بھی تقسیم کئے جارہے ہیں اور باقاعدہ انہیں ہیلمٹ،سیٹ بیلٹ اور دوران سفر موبائل فون کے استعمال کے فوائد اور نقصانات بارے آگاہی دی جارہی ہے۔