اسلام آباد (مانند نیوز) بنگلادیش میں خسرہ کی بدترین وباء کے باعث بیمار بچوں کی مسلسل آمد سے اسپتالوں میں جگہ کم پڑ گئی۔
غیر ملکی میڈیا کے مطابق بنگلادیش میں خسرہ کی وباء سے 6 ماہ میں 1 ہزار بچے جاں بحق ہو چکے ہیں۔
ماہرین کا کہنا ہے کہ ویکسی نیشن مہم کے باوجود حفاظتی اقدامات میں کمی وباء کے پھیلاؤ کا سبب بن رہی ہے۔
بنگلادیشی وزارتِ صحت کے مطابق گزشتہ 6 ماہ میں خسرہ سے 999 بچوں کی اموات ریکارڈ ہوئی۔
وزارتِ صحت نے کہا ہے کہ 19 ہزار 835 مریضوں میں خسرہ کی تصدیق ہوئی جبکہ خسرہ کے 1 لاکھ 66 ہزار مشتبہ کیسز ریکارڈ ہوئے، خسرہ کے شُبے میں 1 لاکھ 46 ہزار مریض اسپتال میں داخل ہوئے۔
وبائی بیماریوں کے اعداد و شمار کے مطابق بنگلادیش کو دنیا کی سب سے بڑی خسرہ کی وباء کا سامنا ہے۔