سندھ (مانند نیوز) بھر میں اسکولوں کے اوقات کار میں 1 گھنٹے کی کمی کا سرکولر جاری کر دیا گیا۔
وزیرِ تعلیم سندھ سید سردار علی شاہ کی ہدایت پر محکمۂ اسکول ایجوکیشن سندھ نے اسکولوں کے اوقات کار میں کمی کا سرکولر جاری کیا۔
سرکولر کے مطابق سندھ بھر کے اسکول پہلے کی طرح ہفتے میں 5 روز تعلیمی سرگرمیاں جاری رکھیں گے، جبکہ نئے اوقات کار فوری طور پر نافذ العمل ہوں گے اور آئندہ احکامات تک جاری رہیں گے۔
محکمۂ اسکول ایجوکیشن کے مطابق سابقہ سرکلر کی دیگر تمام شرائط اور ہدایات بدستور نافذ رہیں گی۔
سرکلر میں تمام تعلیمی اداروں کے سربراہان اور متعلقہ فیلڈ افسران کو نئے اوقات کار پر سختی سے عمل درآمد یقینی بنانے کی ہدایت کی گئی ہے۔