گلگت (مانند نیوز ڈیسک) نلتر میں فائرنگ سے ہونے والی 6 ہلاکتوں کے بعد کشیدہ صورتحال کے پیش نظر گلگت بلتستان میں 2 ماہ کے لیے دفعہ 144 نافذ کر دی گئی،گلگت بلتستان حکومت کی جانب سے جاری اعلامیے میں کہا گیا ہے کہ جی بی میں فائرنگ کرنے، ہتھیار لے کر چلنے اور نمائش پر مکمل پابندی ہو گی۔خیال رہے کہ چند روز قبل نلتر پائن میں ایک مسافر گاڑی پر فائرنگ کر کے 6 افراد کو قتل کر دیا گیا تھا۔پولیس نے واقعہ کو پرانی دشمنی قرار دیتے ہوئے مقدمے میں نامزد 16 افراد کو گرفتار کر لیا ہے اور ان کے خلاف قانونی چارہ جوئی کا آغاز بھی کر دیا ہے۔