اسلام آباد (مانند نیوز ڈیسک) اسلام آباد کی انسداد دہشت گردی عدالت کے جج شاہ رخ ارجمند نے طالب علم اسامہ ستی کے قتل کے مقدمہ سے دہشت گردی کی دفعات ختم کرنے کا حکم دیا ہے۔ ملزمان کی جانب سے ایف آئی آر سے دہشت گردی کی دفعات حذف کرنے کی درخواست منظور کر لی گئی۔ انسداد دہشت گردی کی عدالت نے کیس ٹرائل کے لئے ضلع کچہری بھجوادیا ہے۔ اب مقدمہ کی سماعت سیشن کورٹ میں ہو گی۔ جبکہ عدالت نے اسامہ ستی قتل کیس میں ایک گرفتار ملزم مدثر کی درخواست ضمانت بعد از گرفتاری مسترد کردی۔
