اسلام آباد، لاہور،کراچی (مانند نیوز ڈیسک) ملک بھر میں نویں سے بارہو یں جماعت تک کے تعلیمی ادارے کھل گئے۔تفصیلات کے مطابق ملک بھر میں نویں، دسویں، گیارہویں اور بارہویں جماعت میں مکمل ایس او پیز کے ساتھ تدریسی عمل شروع ہوگیا لیکن حاضری نہ ہونے کے برابر رہی،حکومت کی جانب سے دیئے جانے والے احکامات کے مطابق کورونا ایس او پیز پر سختی سے عمل درآمد کر ایا گیا۔کورونا کیسز میں تیزی سے اضافے اور رمضان المبارک کے باعث حاضری نہ ہونے کے برابر دکھائی دی، سکول اور کالجز میں بچوں اور بچیوں کی تعداد نہ ہونے کے برابر رہی لیکن سکول انتظامیہ کی جانب سے پہلے روز مکمل ایس او پیز پر عمل در آمد ہوتا نظر آیا۔