تھانہ (مانند نیوز ڈیسک) عوام کی اپیل اور بار بار مطالبے پر سول ہسپتال تھانہ میں بھی کورونا حفاظتی ویکسین لگوانا شروع کردیا گیا ہے۔ روزانہ سینکڑوں کی تعداد میں پچاس سال سے زائد العمرمرد و خواتین ویکسین لگوانے ہسپتال کا رُخ کرتے ہیں تاہم دو دن ہسپتال میں ویکسین دستیاب نہ ہونے کی وجہ سے لوگوں کو مشکلات کا سامنا کرنا پڑا۔ تھانہ کے عوام نے اس امر پر اطمنان اور خوشی کا اظہار کیا کہ کورونا کی حفاظتی ویکسین لگوانے کے لئے اب ڈسٹرکٹ ہسپتال جانا نہیں پڑتا۔
