نئی دہلی (مانند نیوز ڈیسک) بھارت نے اڑیسہ میں زمین سے ہوا میں مار کرنے والے میزائل کا کامیاب تجربہ کیا گیا ہے۔بھارتی میڈیا کے مطابق یہ میزائل 70 کیلومیٹر کی رینج میں دشمنوں کی میزائل اور جنگی طیاروں کو تباہ کرنے کی توانائی رکھتا ہے۔ میزائل کا تجربہ اوڈیشا کے آئی ٹی آر بالاسور میں کیا گیا۔ ڈی آر ڈی او کے ایک عہدیدار نے اطلاع دی ہے کہ یہ ائیرڈیفنس سسٹم ہندوستانی فوج کا حصہ ہے۔ تجربے میں میزائل نے کافی فاصلے سے ہی اپنے ٹارگٹ پر براہ راست حملہ کرکے اسے تباہ کر دیا۔قابل ذکر ہے کہ اس میزائل سسٹم کو اسرائیل کے تعاون سے ڈی آر ڈی ایل حیدرآباد اور ڈی آر ڈی او نے مشترکہ طور پر بنایا ہے۔اس سسٹم میں ایڈوانس ریڈار، موبائل لانچر کے ساتھ کمانڈ اینڈ کنٹرول سمیت انٹرسپٹر بھی موجود ہے۔گزشتہ 6 برسوں میں ہندوستان نے ہتھیاروں کی برآمدی میں 6 گنا اضافہ کیا ہے۔