اسلام آباد (مانند نیوز ڈیسک) وفاقی وزیراطلاعات مریم اورنگزیب نے کہا ہے کہ وزیراعلیٰ پنجاب کا انتخاب ملک میں جمہوریت کی فتح ہے۔لاہور میں گورنر ہاؤس کے باہر میڈیا سے گفتگو کرتے ہوئے انہوں نے کہا کہ مسلم لیگ (ن)کا موقف درست ثابت ہوا ہے۔انہوں نے کہا کہ پنجاب مسلم لیگ ن کا سیاسی گڑھ ہے اور رہے گا۔ڈپٹی اسپیکر دوست محمد مزاری کے مسلم لیگ (ق)کے ووٹوں کو مسترد کرنے کے فیصلے کو تاریخی قرار دیتے ہوئے انہوں نے کہا کہ یہ فیصلہ سپریم کورٹ کے فیصلے کے مطابق ہے۔مریم اورنگزیب نے کہا کہ وزیر اعظم شہباز شریف ملک میں امن اور ہم آہنگی کو فروغ دے کر معاشی استحکام لانے کے لیے کوشاں ہیں۔