مقبوضہ بیت المقدس ( مانند نیوز ڈیسک ) اسرائیلی نگراں وزیراعظم بن یامین نیتن یاہو نے اپنے سیاسی حریف گادی آئزن کوٹ کے ساتھ قومی اتحاد کی حکومت تشکیل دینے کا مطالبہ دہراتے ہوئے ایران کے خطرے کو مستقل طور پر ختم کرنے کے عزم کا اظہار کیا ہے۔ نیتن یاہو نے ہفتے کو جاری کردہ ویڈیو بیان میں کہا کہ جمعرات کو آئزن کوٹ سے ہونے والی ملاقات نے اس یقین کو مزید تقویت دی ہے کہ اسرائیل کی سلامتی یقینی بنانے کے لیے قومی اتحاد کی حکومت کا قیام ضروری ہے جن میں عرب جماعتیں شامل نہ ہوں۔