انقرہ(مانند نیوز ڈیسک)ترکیہ کے دارالحکومت انقرہ میں ہونے والے خودکش بم حملے کے بعد ترک پولیس نے کریک ڈائون کرتے ہوئے کالعدم تنظیم سے تعلق کے شبہ میں 90افراد کو حراست میں لے لیا۔غیرملکی خبررساں ادارے کے مطابق وزیر داخلہ نے کہا کہ پولیس نے ترکی کے 64 صوبوں میں غیر قانونی اسلحہ رکھنے والوں کے خلاف کارروائی کی ہے۔وزیر داخلہ نے خودکش بم حملے کا الزام کالعدم کردستان ورکرز پارٹی پرعائد کرتے ہوئے کہا کہ مشتبہ افراد کوغیر قانونی اسلحہ رکھنے کے الزام میں گرفتار کیا ہے۔انہوں نے کہا کہ جن میں سے 67 دیگر کو کالعدم کردستان ورکرز پارٹی سے مشتبہ تعلق کے الزام میں حراست میں لیا گیا۔ مشتبہ ارکان کے طور پر حراست میں لئے گئے افراد کی تعداد 90 ہو گئی۔واضح رہے کہ تقریبا 13 ہزار 400 سکیورٹی اہلکاروں نے کارروائیوں میں حصہ لیا، جن میں سے ایک ہزار سے زائد غیر قانونی اسلحہ ضبط کیا گیا ہے۔mk