پاکستان ٹوبیکو کمپنی کسانوں سے مقررہ قیمت پر تمباکو خریدارہی ہے، پی ٹی سی

بونیر(معمبرزمان بونیری) پاکستان ٹوبیکو کمپنی کسانوں سے طے شدہ ڈیمانڈ اور مقررہ قیمت پر تمباکو خریداری کر رہی ہے۔
پاکستان ٹوبیکو کمپنی لمیٹڈ (PTC) نے کسانوں کی معاونت، تمباکو کے پتوں کی خریداری کے عمل میں شفافیت کو یقینی بنانے، اور غیر قانونی تجارت کے خلاف جدوجہد کو مضبوط بنانے کے اپنے عزم کو دہراتے ہوئے ریگولیٹری فریم ورک کی سختی سے پابندی کرنے کا اعادہ ہے۔
تمباکو کی صنعت پاکستان ٹوبیکو بورڈ (PTB) کی نگرانی میں کام کر رہی ہے اور یہ صنعت 1968 کے پی ٹی بی آرڈیننس کے تحت منظم ہے، جو پیداوار کے اہداف، خریداری کے کوٹے اور منصفانہ مارکیٹ طریقہ کار کو کنٹرول کرتا ہے۔
ایم ایل او 487 کے مطابق، ہر سال پی ٹی بی تمباکو ساز کمپنیوں کو ان کی ظاہر کردہ ضروریات کی بنیاد پر خریداری کے کوٹے الاٹ کرتا ہے، جنہیں شفافیت کو یقینی بنانے کے لیے عوامی طور پر نوٹیفائی کیا جاتا ہے۔ اس سال تمام تمباکو کمپنیوں کی مشترکہ طلب تقریباً 81.5 ملین کلو گرام تھی، جس میں پاکستان ٹوبیکو کمپنی کا حصہ 25 فیصد تھا۔
تاہم، اس سال تمباکو کی کل پیداوار تقریباً 100 ملین کلو گرام سے زیادہ رہنے کی توقع ہے۔
ضلع بنیر میں اس سال تقریباً 12 کمپنیوں کی جانب سے 5.2 ملین کلوگرام تمباکو کی ڈیمانڈ ظاہر کی گئی جس میں سے تین ملین کلوگرام پاکستان ٹوبیکو کمپنی کی ڈیمانڈ ہے ۔
اضافی پیداوار کی صورت میں، پی ٹی بی کمپنیوں کے درمیان تناسب سے تقسیم کو یقینی بناتا ہے تاکہ کسانوں کے مفادات کا تحفظ ہو۔ ایم ایل او 487، یا مارشل لاء آرڈر 487، پاکستان میں تمباکو مارکیٹنگ کا قانون ہے جو کمپنیوں کو کسانوں سے تمباکو خریدنے کے ضوابط فراہم کرتا ہے۔ اس کے تحت کمپنیوں پر لازم ہے کہ وہ اضافی تمباکو کم از کم مقررہ قیمت (Minimum Indicative Price – MIP) یا اس سے زیادہ قیمت پر خریدیں۔ یہ قانون پاکستان ٹوبیکو بورڈ آرڈیننس 1968 اور تمباکو مارکیٹنگ کنٹرول رولز 2016 جیسے وسیع فریم ورک کا حصہ ہے۔
ضلع بنیر کے صحافیوں کو بریفنگ دیتے ہوئے پی ٹی سی کے نمائندوں نے بتایا کہ کمپنی کا براہ راست معاہدہ 10,000 سے زائد تمباکو کے کسانوں کے ساتھ ہے، اور تقریباً 150 زرعی ماہرین کے ذریعے بیج بونے سے لے کر فصل کی کٹائی تک تکنیکی تربیت اور زرعی معاونت فراہم کی جاتی ہے۔
پی ٹی سی کسانوں کو قرضوں کی صورت میں مالی امداد بھی فراہم کرتی ہے۔ حال ہی میں، پی ٹی سی نے خطے کے تمباکو کے کسانوں کو ایک ارب روپے سے زائد مالی معاونت فراہم کی ہے۔ اس ماڈل کے تحت، معاہدہ شدہ کسانوں کو خریداری کے دوران ترجیح دی جاتی ہے، جس سے ان کی آمدنی کے تحفظ کو یقینی بنایا جاتا ہے اور مقامی و بین الاقوامی معیارات کی پاسداری کو فروغ ملتا ہے۔
مارکیٹ میں دیگر کمپنیاں کم قیمت پر تمباکو کی خریداری کے ذریعے زمینداروں کا استحصال کر رہی ہیں۔ پی ٹی سی قانون کے مطابق پاکستان ٹوبیکو بورڈ کی طے کردہ قیمت پر خریادری کر رہی ہے جبکہ باقی کمپنیاں تو 400 سے 600 تک فی کلو گرام میں خرید رہی ہیں جو کہ طے شدہ قیمت سے تین سے پانچ سو فی کلو گرام کم قیمت ہے۔
کسانوں کی تربیت، ذریعہ معاش میں بہتری، معیار کی ضمانت، اور پائیدار خریداری کے طریقوں میں مستقل سرمایہ کاری کا پی ٹی سی کا عزم ہے۔
پی ٹی سی تمباکو کی صنعت سے متعلق قوانین اور ضوابط کی مکمل طور پر پابندی کرتا ہے، اور اپنی سرگرمیوں کو پی ٹی بی کی ہدایات اور عالمی بہترین طریقہ کار کے مطابق ڈھالتا ہے۔