سخاکوٹ (مانند نیوز) منشیات فروش سردار حسین کا منشیات سے توبہ کا اعلان۔ ائندہ شریف شہری کی طرح زندگی گزارنے کاعزم۔سخاکوٹ کے رہائشی سردار حسین نے منشیات فروشی سے توبہ کرتے ہوئے ائندہ ایک شریف شہری اور قانون پسند شہری کی حیثیت سے زندگی گزرانے کا اعلان کیا۔یہ اعلان انہوں نے لیوز پوسٹ تھانہ وکیل الرحمان شہید سخاکوٹ میں پوسٹ کمانڈر صابررحمان کی موجودگی میں پریس کانفرنس میں انہوں نے حلف نامہ پیش کیا۔سردار حسین نے اس موقع پر حلف نامہ پیش کرتے ہوئے کہا کہ وہ اپنے سابقہ زندگی پر نادم ہیں اور اب معاشرے میں مفید فرد بننا چاہتا ہے۔پوسٹ کمانڈر صابررحمان نے اس موقع پر میڈیا سے گفتگو کرتے ہوئے کہا کہ ڈپٹی کمشنر ملاکنڈ محمدفیاض خان شیرپاؤ اور اسسٹنٹ کمشنر درگئی محمدشہباز خان کی خصوصی ہدایات پر فری ڈرگ ملاکنڈ مہم کے کے تحت منشیات فروشوں کے خلاف کاروائیوں جاری ہے جس کے تحت منشیات فروشوں کے خلاف بلاامتیازکاروائیاں کی جارہی ہیں۔انہوں نے واضح کیا کہ جوافراد منشیات کا مکروہ دھندہ ترک نہیں کرینگے انہیں علاقے سے بے دخل کردیا جائے گا۔علاوہ ازیں ہوائی فائرنگ، منشیات فروشی اور دیگر جرائم میں ملوث افراد کے خلاف بھی سخت کاروائی کی جائے گی۔