اسلام آباد (مانند نیوز)پنجاب کے بیشتر اضلاع میں آج رات سے7 اکتوبر تک بارش کا امکان ہے۔
ترجمان پی ڈی ایم اے پنجاب کے مطابق مغربی ہوائیں صوبے کے بالائی علاقوں میں داخل ہو چکی ہیں، راولپنڈی، مری، اٹک، چکوال، جہلم، منڈی بہاءالدین میں بارش کا امکان ہے۔
ترجمان پی ڈی ایم اے نے بتایا کہ گجرات، گوجرانوالہ، حافظ آباد، لاہور، قصور، شیخوپورہ، سیالکوٹ، نارووال، میانوالی، خوشاب، سرگودھا، جھنگ، ننکانہ، ٹوبہ ٹیک سنگھ اور وزیر آباد میں بارش کا امکان ہے۔
بھارتی گجرات پر ہوا کا کم دباو ڈپریشن میں تبدیل، ماہی گیر 3 اکتوبر تک سمندر میں نہ جائیں، محکمہ موسمیات
ترجمان پی ڈی ایم اے کے مطابق 6 اکتوبر تک ڈیرہ غازی خان، بھکر، لیہ، ملتان میں گرج چمک کے ساتھ بارش کا امکان ہے۔
ترجمان پی ڈی ایم اے نے مزید بتایا کہ بہاولپور، بہاولنگر، راجن پور اور رحیم یار خان میں بھی بارش کا امکان ہے۔
ترجمان پی ڈی ایم اے کے مطابق مری، راولپنڈی میں بارش سے ندی نالوں میں پانی کے بہاؤ میں اضافے کا امکان ہے۔