اسلام آباد (مانند نیوز)فیڈرل بورڈ آف ریونیو (ایف بی آر) نومبر میں ٹیکس وصولی کا ہدف حاصل کرنے میں ناکام رہا۔
ذرائع ایف بی آر کے مطابق نومبر میں 1 ہزار 34 ارب ہدف کے مقابلے میں ٹیکس وصولی 878 ارب روپے حاصل ہو سکی، نومبر کا ٹیکس وصولی کا شارٹ فال 156 ارب روپے رہا۔
ذرائع کا کہنا ہے کہ ایف بی آر دفاتر آج کھلے رہیں گے، ایک دن میں شارٹ فال میں تقریباً پانچ ارب اروپے کمی متوقع ہے۔
فیڈرل بورڈ آف ریونیو کے ریونیو شارٹ فال میں مزید اضافہ
ایف بی آر کے مطابق دسمبر میں ٹیکس وصولی کا ہدف 1406 ارب روپے مقرر ہے، رواں مالی سال کے پہلے 5 ماہ میں ٹیکس وصولی 5083 ارب ہدف کے مقابلے وصولی 4715 ارب روپے رہی۔
ذرائع ایف بی آر کا کہنا ہے کہ رواں مالی سال کے پہلے 5 ماہ میں مجموعی طور پر 413 ارب روپے شارٹ فال کا سامنا ہے۔