اسلام آباد (مانند نیوز)سری لنکا میں سمندری طوفان دِتوا (Cyclone Ditwah) کے باعث شدید بارشوں کے نتیجے میں خطرناک سیلابی صورتحال ہے۔
مسلسل ایک ہفتے سے جاری بارشوں نے کئی علاقوں میں بڑے پیمانے پر سیلاب اور لینڈ سلائیڈنگ کو جنم دیا ہے۔
ڈیزاسٹر مینجمنٹ سینٹر کے مطابق سیلاب اور لینڈ سلائیڈنگ کے سبب ہلاکتوں کی تعداد 123 ہوگئی ہے، اب تک 130 افراد لاپتہ بھی ہیں۔
حکام کے مطابق تقریباً 44 ہزار افراد اپنے گھروں سے محروم ہو چکے ہیں جنہیں سرکاری ویلفیئر مراکز میں منتقل کیا گیا ہے۔
ڈیزاسٹر مینجمنٹ سینٹر کے مطابق متاثرہ علاقوں میں امدادی کارروائیاں جاری ہیں۔