اسلام آباد (مانند نیوز)وزیرِ اعظم شہباز شریف کا کہنا ہے کہ شفافیت کو یقینی بنانے کے لیے جدید ٹیکنالوجی کا استعمال ہمارا عزم ہے۔
لاہور میں تقریب سے خطاب کرتے ہوئے انہوں نے کہا کہ فوڈ سیکیورٹی اور حفظان صحت کے معیار کو یقینی بنانے کے لیے اتھارٹی کا قیام اہم ہے۔ پنجاب ایگریکلچر، فوڈ اینڈ ڈرگ اتھارٹی خطے میں سینٹر آف ایکسیلنس بنے گی۔
وزیرِ اعظم کا کہنا ہے کہ پاکستان کی پہلی پنجاب ایگریکلچر فوڈ اینڈ ڈرگ اتھارٹی کے قیام میں وزیرِ اعلیٰ کا کردار قابل ستائش ہے، پنجاب ایگریکلچر، فوڈ اینڈ ڈرگ اتھارٹی کا منصوبہ قوم کی بہت بڑی خدمت ہے۔
وزیرِ اعظم شہباز شریف کا صنعتوں کیلئے بجلی کی قیمت میں کمی کا اعلان
انہوں نے کہا کہ جدید ٹیکنالوجی سے آراستہ ادارے کے قیام کے لیے وزیرِ اعلیٰ مریم نواز کی کاوشیں قابل تحسین ہیں۔ خوراک، زرعی مصنوعات اور ادویات کی شفاف نگرانی کے لیے ریگولیٹری ادارے کا قیام وقت کی ضرورت ہے۔
ان کا کہنا ہے کہ جرائم کے خلاف ناقابل تردید ثبوت فراہم کرنے کے لیے فرانزک لیب کا جال بچھایا، فوڈ سیکیورٹی، غذائیت کی فراہمی اور ملاوٹ کے خاتمے میں اتھارٹی کلیدی کردار ادا کرے گی۔
شہباز شریف نے کہا کہ سائنسدانوں اور ماہرین کی کاوشیں لائق تحسین ہیں، فوڈ اینڈ ڈرگ اتھارٹی پنجاب ہی نہیں، بلکہ پورے ملک کی خدمت کے لیے بنایا گیا ہے۔