سخاکوٹ(نامہ نگار) خیبربار کونسل کی کال پر درگئی بارایسوسی ایشن کے وکلاء برادری نے بھی عدالتوں سے بائیکاٹ کیا۔ اور اس سلسلے میں درگئی بارایسوسی ایشن ایک تعزیتی اجلاس زیر صدارت صدرصفدر عباس ایڈوکیٹ منعقد ہوا۔جس میں جنرل سیکرٹری موسیٰ خان ایڈوکیٹ، فنانس سیکرٹری عدنان خان ایڈوکیٹ وکابینہ کے دیگرعہدہ داروں کے علاوہ وکلاء برادری نے کثیرتعداد میں شرکت کی۔اجلاس میں شیخ الحدیث مولانامحمدادریس کی شہادت پر گہرے رنج وغم کااظہار کیا گیااور مقررین نے اسے علم وامان پر حملہ قرار دیتے ہوئے اس میں ملوث کرداروںکوفوری طور پر بے نقاب کر کے قاتلوں کی گرفتاری اور انہیں قانون کے مطابق عبرتناک سزا دینے کامطالبہ کیا ۔