تھانہ (مانند نیوز ڈیسک) کل سے ضلع مالاکنڈ میں تمام سرکاری اور پرائیویٹ تعلیمی ادارے کھل گئے اور معمول کے مطابق طلباء و طالبات حصول تعلیم کے لئے تعلیمی اداروں کا رخ کرنے لگے تاہم حاضری پچاس فیصد سے بھی کم رہی۔ انتہائی باوثوق ذرائع کے مطابق طویل وقفے کے بعد حکومتی فیصلے کے مطابق کل بمورخہ 24 مئی کو ضلع مالاکنڈ میں تمام نجی اور سرکاری تعلیمی ادارے کھل گئے اور کورونا تعطیلات کے پہلے کی طرح شفٹ سسٹم میں انتہائی حفاظتی اقدامات کے تحت درس و تدریس کا سلسلہ شروع ہوگیا۔ حکومت کے اس فیصلے کو عوامی سطح پر سراہا گیا کیونکہ پہلے بھی طلبا ء کا بہت وقت ضائع ہوچکا ہے۔