اسلام آباد (مانند نیوز ڈیسک) تنخواہوں کی عدم ادائیگی کے باعث ٹکٹ کلیکٹرز نے احتجاج کیااور اسلام آباد راولپنڈی میٹرو بس سروس معطل رہی۔تفصیلات کے مطابق میٹرو بس انتظامیہ کے ٹکٹ کلیکٹرز کے ساتھ ابتدائی مذاکرات ناکام ہوگئے جس کے بعد ٹکٹ کلیکٹرز نے آئی جے پی میٹرو بس سٹیشن پر احتجاج کیا۔ٹکٹ کلیکٹرز نے کہا کہ تنخواہیں وقت پر دینے کا کہا گیا پر تین ماہ سے تنخواہیں روکی ہوئی ہیں۔دوسری جانب میٹرو بس سروس راولپنڈی سے اسلام آباد مکمل طور پر بندرہی اور انتظامیہ کے ٹکٹ کلیکٹرز کے ساتھ ابتدائی مذاکرات بھی ناکام ہوگئے۔
