بنوں (درویش خان سے)جمعیت علماء اسلام شمالی وزیرستان کے فنانس سیکرٹری و تحصیل غلام خان کے امیر نور اسلم نظامی نے موجودہ حکومت سے ناراضگی کا اظہار کرتے ہوئے کورونا وائرس کی وجہ سے پاکستان میں پھنسے ہوئے مسافروں کے حق میں 13 اگست کو میرانشاہ پریس کلب کے سامنے احتجاج ریکارڈ کرانے کا اعلان کردیا اُنہوں نے مختصرگفتگو کرتے ہوئے کہاکہ جو مسافر چھٹی پر اپنے ملک پاکستان آئے ہوئے تھے وہ اب دوبارہ کورونا وائرس کی لہر کے باعث اپنی ڈیوٹیوں کیلئے نہیں جاسکتے ہیں ان کو مشکل کا سامنا ہے کیونکہ جن کے پاس جو رقم تھی وہ ختم کروادیں اور ان کی چھٹیوں کا معیاد بھی گزر چکا ہے اب یہ لوگ موجودہ صورتحال کی وجہ سے پاکستان میں مشکل کی زندگی بسر کررہے ہیں لہٰذا ہم حکومت سے مطالبہ کرتے ہیں کہ یا تو ان کیلئے واپسی بندوبست کیا جائے یا ان کیلئے ملکی خزانے سے وظیفہ مقرر کیا جائے بصورت دیگر 13 اگست کو میرانشاہ پریس کلب کے سامنے پرامن احتجاج ریکارڈ کروایا جائے گا۔