پشاور (مانند نیوز ڈیسک) ضلعی انتظامیہ پشاور نے محکمہ پی ایچ اے کے ہمراہ کارروائی کرتے ہوئے ایک ارب دس کروڑ مالیت کی سرکاری اراضی کو قبضہ مافیا سے واگزار کروالیا۔ تفصیلات کے مطابق ایڈیشنل اسسٹنٹ کمشنر محمد اظہر خان نے پی ایچ اے کے لینڈ کلکٹر حامد گگیانی کے ہمراہ سپیر ئیر سائنس کالج کے قریب تجاوزات کے خلاف آپریشن کا آغاز کیا۔ اس موقع پر کسی بھی ناخوشگوار واقع سے بچنے کے لیے پولیس کی بھاری نفری کو تعینات کیا گیا تھا۔ آپریشن کے دوران31 کنال اراضی پر قائم تجاوزات کو مسمار کرتے ہوئے سرکاری اراضی کو قبضہ مافیا سے واگزار کرتے ہوئے محکمہ پی ایچ اے کے حوالے کر دیا گیا۔ قبضہ مافیا سے واگزار کروائی گئی 31 کنال اراضی کی مالیت ایک ارب دس کروڑ سے زائد ہے۔ ڈپٹی کمشنر پشاورکیپٹن (ر) خالد محمود کے مطابق پشاور کے تمام علاقوں میں غیر قانونی تجاوزات کے خلاف بلا امتیاز آپریشن جاری رہے گا۔اور دوبارہ تجاوزات قا ئم کرنے والوں کے خلاف سخت کاروائی عمل میں لائی جا ئے گی۔