اسلام آباد (مانند نیوز ڈیسک) اوورسیز پاکستانیوں نے ووٹ کے حق کیلئے الیکشن کمیشن آف پاکستان کے باہر احتجاج کیا۔ تفصیلات کے مطابق مظاہرین نے بینرز اور پلے کارڈ اٹھا رکھے تھے،مظاہرین نے ”ووٹ کو عزت دو“،”اوورسیز پاکستانیوں کو نمائندگی کا حق دو“ کے نعرے بھی لگائے۔مظاہرین نے کہا کہ سپریم کورٹ نے 2016 میں اوورسیز پاکستانیوں کو ووٹ کا حق دینے کا فیصلہ کیا،5 سال میں الیکشن کمیشن نے اوورسیز پاکستانیوں کو ووٹ کا حق نہیں دیا۔اس موقع پر پولیس کی بھاری نفری الیکشن کمیشن کے باہر تعینات رہی اور الیکشن کمیشن کے داخلی اور خارجی راستوں کو خاردار تاریں لگا کر بند کردیا۔
