اسلام آباد (مانند نیوز ڈیسک) وفاقی دارالحکومت کے7 علاقوں میں سمارٹ لاک ڈاؤن کا نوٹیفکیشن جاری کر دیا گیا۔ نوٹیفکیشن کے مطابق سیکٹرجی 9 تھری کورونا سے سب سے زیادہ متاثر ہیں، 8 گلیاں بند کر دی گئیں۔ اس کے علاوہ سیکٹرجی سیون ٹوکی گلی نمبر54اور 56کو سیل کیا گیا، آئی 10 ٹوکی گلی نمبر9،جی 9 ٹو کی گلی نمبر1میں لاک ڈاؤن نافذ کردیا۔انتظامیہ نے سیکٹر جی 9 ون، ای 11 فور اور آئی 10 فور کی متاثرہ گلیوں میں رکاوٹیں کھڑی کر دیں، متاثرہ علاقوں میں سمارٹ لاک ڈاؤن30 اگست سے تاحکم ثانی نافذ رہے گا۔