مردان (مانند نیوز ڈیسک) تفصیلات کے مطابق تھانہ محمد ریاض شہید پولیس کوہاٹ نے انڈس ہائی وے پر ناکہ بندی کے دوران موٹرکار سے بھاری مقدار میں اسلحہ برآمد کرکے ہتھیاروں کے بین الصوبائی سمگلر حمید اللہ سکنہ مردان کو گرفتار کرلیا۔ پکڑے جانے والے ہتھیاروں میں 3 ایس ایم جی رائفل، 2 ایم 16 رائفل، 2 مارک فور رائفل، 4 بندوق، 31 پستول اور 9000 کارتوس شامل ہیں۔انٹیلی جنس بیسڈ کارروائی ایس ایچ او ایم آر ایس ہمایون خان اور انکی پولیس ٹیم کی طرف سے عمل میں لائی گئی۔کارروائی میں زیر حراست اسلحہ سمگلر کے خلاف تھانہ محمد ریاض شہید میں مقدمہ درج کر لیا گیا ہے۔پکڑا جانیوالا اسلحہ درہ آدم خیل سے ملک کے مختلف شہروں کو سمگل کیا جارہا تھا۔کارروائی میں زیر حراست ہتھیاروں کے سمگلر سے تمام پہلوؤں پر تحقیقات کی جارہی ہیں۔