سوات (مانند نیوز ڈیسک) چیئرمین ڈیڈیک ایم پی اے فضل حکیم خان یوسفزئی کا پولیس ٹریننگ سکول سوات کا دورہ اور ٹریننگ کے دوران بہترین کارکردگی پر پولیس اہلکاروں میں سرٹیفکیٹ تقسیم کئے۔اس موقع پر ڈائریکٹر پولیس ٹریننگ سکول سوات شفیع اللہ اور دیگر پولیس افسران بھی موجود تھے۔ پولیس آفیسرز و اہلکاروں کی بہترین کارکردگی کو سراہتے ہوئے ٹریننگ کے اختتام پر ان کے لئے پولیس ٹریننگ سکول میں ایک پروقار تقریب کا اہتمام کیا گیا تھا جس میں چیئر مین ڈیڈیک بطور مہمان خصوصی شریک ہوئے۔ چیئرمین ڈیڈیک سوات نے ٹریننگ میں شریک پولیس اہلکاروں کو بہترین کارکردگی پر سرٹیفکیٹ دئے۔فضل حکیم خان یوسفزئی نے پولیس ٹریننگ سکول کے مختلف حصوں کا معائنہ بھی کیا۔ دورہ کے موقع پر فضل حکیم خان یوسفزئی نے پولیس ٹریننگ سکول سوات میں پودا بھی لگایا۔