پاراچنار (مانند نیوز ڈیسک) پاراچنار میں 21 رمضان المبارک شہادت امام علی علیہ السلام کے موقع پر عزاداری کے مجالس کا انعقاد کیا گیا. جس میں ہزاروں عزاداروں نے شرکت کی. تفصیلات کے مطابق دماد رسول حضرت امام علی علیہ السلام شیر خدا کی شہادت کے موقع پر ضلع بهر کے 200 سے زائد امام بارگاہوں میں ماتمی مجالس کا انعقاد کیا گیا. مرکزی امام بارگاہ پاراچنار میں شبیہہ تابوت برآمد کیا گیا. اور ہزاروں کی تعداد میں عزاداروں نے سینہ کوبی کرتے ہوئے امام علی مقام کو خراج تحسین پیش کیا. اس موقع پر علامہ نجف علی نے داماد رسول حضرت علی علیہ السلام شیر خدا کی شجاعت، بہادری اور اسلام کے لیے خدمات پر تفصیل سے روشنی ڈالی. اس موقع پر سکیورٹی کے سخت انتظامات کئے گئے تھے.