کوہستان (مانند نیوز ڈیسک) بمقام دوبیر بالا میں کھلی کچہری کا انعقاد ہوا، جس میں ایم پی اے کوہستان لوئر، ڈپٹی کمشنر کوہستان لوئر شکیل احمد، ڈسٹرکٹ پولیس آفیسر کوہستان لوئر، ایڈیشنل ڈپٹی کمشنر کوہستان لوئر، اسسٹنٹ کمشنر پٹن، ایڈیشنل اسسٹنٹ کمشنر کوہستان لوئر، علاقے کے معززین، تمام محکموں کے سربراہان اور بڑی تعداد میں لوگوں نے شرکت کی۔ ڈپٹی کمشنر نے لوگوں کے مسائل سنے اور متعلقہ محکموں موقع پر ہدایات جاری کئیے کہ عوام کے مسائل کو ترجیحی بنیادوں پر دیکھا جائے اور حل کیا جائے۔ مقامی لوگوں نے دور دراز علاقے میں کھلی کچہری کا انعقاد کرنے پر ڈپٹی کمشنر کا شکریہ ادا کیا اور ان کے اقدامات کو سراہا۔