کراچی (مانند نیوز ڈیسک) اسٹیٹ بینک آف پاکستان نے کہاہے کہ جولائی 2022 میں کرنٹ اکاؤنٹ خسارہ 1ارب 21کروڑ ڈالرز رہا جو جون 2022 کے مقابلے میں 45فیصد کم ہے۔اسٹیٹ بینک آف پاکستان(ایس بی پی)نے جولائی 2022 کے دوران کرنٹ اکاؤنٹ خسارے سے متعلق اعداد و شمار جاری کر دئیے۔مرکزی بینک کا کہنا ہے کہ جولائی کا تجارتی خسارہ جون سے 21 فیصد کم ہو کر 3 ارب 9 کروڑ ڈالرز رہا اور جولائی میں درآمدات 5.38 ارب ڈالرز رہیں۔اسٹیٹ بینک کے مطابق جولائی میں برآمدات 2.29 ارب ڈالرز رہیں جبکہ ورکرز ترسیلات 2.52 ارب ڈالرز رہیں۔