پشاور(مانند نیوز) پشاور میں افغان کونسلر جنرل حافظ محب اللہ کی وزیراعظم کے مشیر انجینئرا میر مقام سے پشاور میں ان کی رہائش گاہ پر اہم ملاقات، پاک افغان تعلقات اور خصوصاً پاکستان کی افغانیوں کیلئے ویزہ پالیسی میں نرمی، مہاجر کارڈ، افغانستان سے پاکستان آنے والے مریضوں کی مشکلات میں کمی، پاک افغان بارڈر پر ٹریڈ کے معاملات پر تفصیلی تبادلہ خیال ہوا، وزیراعظم کے مشیر برائے سیاسی و عوامی اور قومی ورثہ ثقافت انجینئرا میر مقام نے افغان کونسلر جنرل سے خیبر پختونخوا اور خصوصاً سوات میں حالات اور مسلسل واقعات پر یہاں کے عوام کی تشویش سے آگاہ کیا اور ان سے مطالبہ کیا کہ موجودہ افغان حکومت امن و امان کے معاملے میں اپنا کردارا دا کریں ملاقات میں دونوں نے اس بات پر اتفاق کیا گیا کہ موجودہ حالات میں مسلسل رابطے کی ضرورت ہے اور رابطوں کو جاری رکھنا چاہئے۔