کراچی (مانند میڈیا)پاکستان پیپلزپارٹی کے چیٔرمین بلاول بھٹو زرداری نے جمعیت علمائے اسلام کے سربراہ مولانا فضل الرحمان سے ٹیلیفونک رابطہ کیا جس میں ملک کی سیاسی صورت حال پر تبادلہ خیال کیا گیا ہے۔ بلاول بھٹو نے جے یو آئی کے خلاف حکومتی اقدامات کی مذمت کرتے ہوئے کہا کہ حکومت کو اپوزیشن کی تنقید برداشت کرنی چاہئیے۔ جمہوریت اور پارلیمانی نظام میں ذمہ دار اپوزیشن کا کردار اہم ہوتا ہے۔ پارلیمانی نظام کے استحکام کے لیے سیاسی برداشت کی ضرورت ہے۔ بلاول بھٹو نے کہا کہ حکومت کو ایسے اقدامات سے گریز کرنا چاہئیے جن سے جمہوریت اور پارلیمان کمزور ہوں۔