پشاور(مانند نیوز ڈیسک )صوبائی حکومت خیبر پختونخوا کے جاری احکامات پر ڈپٹی کمشنر مردان حبیب اللہ عارف کی نگرانی میں بجلی چوری کی روک تھام اور کنڈا مافیا کے خلاف کاروائیاں جاری ہیں ۔ایڈیشنل اسسٹنٹ کمشنر ہیڈکوارٹر جنید خالد کی محکمہ واپڈا کے اہلکار اور لوکل پولیس کے ہمراہ کنڈا مافیا اور بجلی چوروں کے خلاف کاروائی، اس دوران کنال روڈ پر کاروائی کرتے ہوئے کنڈے، سپین ایل ٹی لائن، ٹیمپرڈ میٹرز کو ہٹاتے ہوئے بجلی چوروں کے خلاف ایف آئی آر درج کر لی۔ایڈیشنل اسسٹنٹ کمشنر ہیڈکوارٹر جنید خالدکا کہنا ہے کہ واپڈا اتھارٹی کے ہمراہ کنڈا ما فیا کے خلاف یہ آپریشن جاری رہے گا۔انہوں نے صارفین سے کہاہے کہ اپنے ذمے بقایا جات فوری جمع کریں اور بجلی چوری سے گریز کریں تاکہ بجلی بلا تسلسل آپ تک پہنچے۔