ایبٹ آباد(مانند نیوز ڈیسک)عوامی شکایات کی بنا پر آج ایڈیشنل اسسٹنٹ کمشنر-1علی شیر خان خلیل نے ھمراہ ڈاکٹر سجاد (لائیو سٹاک ڈیپارنمنٹ) نے شہر کے مختلف ایریا جن میں سبزی منڈی، گول منڈی، کچہری روڈ، سپلائی، منڈیاں، میرپور، بلال ٹاون، ٹھنڈا میرا روڈ، الیاسی مسجد روڈ، کاکول، نواں شہر، ھرنوئی بازار، مری روڈ، گامی اڈا، سر بند چوک، فوارہ چوک کا دورہ اور دکانوں کا معائنہ کیا۔ مضر صحت، ملاوٹ شدہ دودھ کو لیبارٹری پر چیک کرنے کے بعد موقع پر ضائع کیا۔ اس کے علاوہ سٹورز، چکن /بیف شاپس، سبزی فروشان، بریانی شاپس، میں اشیاء خورد و نوش کے نرخ نامے، ھوٹلوں میں صفائی وغیرہ چیک کیے اور خلاف ورزی پر 7 دکانداروں پر ایف آئی آرز و کارروائی عمل میں لائی۔