بٹ خیلہ (مانند نیوز)پاکستان مسلم لیگ (ق) کے صوبائی رہنماؤں صفدر باغی اور مزدور رہنما گل زمین نے باہمی ملاقات میں ملاکنڈ ڈویژن سمیت پورے صوبے میں پارٹی کی جلدتنظیم سازی کے فیصلے پر اتفاق کیا ہے تاکہ پارٹی منظم اور فعال ہوکر الیکشن میں حصہ لے اوربھر پور کامیابی حا صل کی جاسکے صفدر با غی کی رہائش گا ہ پشاور میں ہونے والی ملاقات میں دونوں لیگی رہنما وئں نے خیبر پختونخوا کو گندم کے کوٹے میں اضا فے اور آٹے کی کوالٹی کی بہتری کیلئے عنقریب مرکزی جنرل سیکر ٹری وفاقی وزیر پیدا وار طارق بشیر چیمہ سے ملاقات کرنے کا بھی فیصلہ کیاانھوں نے کمر توڑ مہنگائی پر افسوس کا اظہار کرتے ہوئے کہا کہ نام نہاد سابق تبدیلی سرکار کی سیاہ کرتوتوں کی وجہ سے عوام ناقابل برداشت مہنگائی کی چکی میں پس رہے ہیں اس سخت صورت حال میں موجودہ اتحادی حکومت نے مفت آٹا سکیم کے ذریعے غریبوں اور کم آمد نی والوں کی مشکلات کم کی ہیں انھوں نے چوہدری شجاعت حسین چوہدری شافع حسین اور طارق بشیر چیمہ کی قیادت پر اپنے بھرپور اعتماد کا اظہار کیاملاقات میں پارٹی ورکرز بھی موجودتھے۔