سوات(مانند نیوز)نو تعینات ایس پی اپر سوات محمد زمان خان نے اپنے عہدے کا چارج سنبھال کر دفتری امور کا آغاز کردیا۔ اِس موقع پر اپنے پیغام میں ایس پی اپر سوات محمد زمان خان کا کہنا تھا کہ عوامی مسائل کا حل میری اولین ترجیح ہے، ضلع سوات میں امن و امان کی صورتحال برقرار رکھنے کی اپنی پوری کوشش کروں گا۔ انہوں نے کہا کہ معاشرتی برائیوں کے خاتمے کیلئے سرکل ایس ایچ اوز کو ہدایات جاری کردی ہیں، قانون شکنی کرنے والوں کے خلاف قانونی کاروائی عمل میں لائی جائی گی۔ مزید انہوں نے اہلیانِ سوات سے اپیل کی کہ پولیس کے ساتھ تعاون کریں اور ایک ذمہ دار شہری ہونے کا ثبوت دے تاکہ ہم سب مل کر سوات کو پرامن اور معاشرتی برائیوں سے پاک کرسکیں۔ترجمان سوات پولیس