دیر لوئر (مانند نیوز)ڈپٹی کمشنر دیر لوئرافتخاراحمد نے ایڈیشنل اسسٹنٹ کمشنر ریونیو طارق خان کے ہمراہ ناصافہ ہسپتال کا اچانک معائنہ کیا۔ ڈپٹی کمشنر نے ہسپتال معائنے کے دوران ہسپتال میں ادویات اوربنیادی طبی سہولیات کا جائزہ لیا اور سٹاف عملے کی حاضری رجسٹر کو چیک کیا۔ اس موقع پر ڈی سی نے ہسپتال کے انچارج ڈاکٹرکو مریضوں کو بروقت بہترین طبی سہولیات کی فراہمی اور باولے کتوں کے ویکسین کی دستیابی یقینی بنانے کی ہدایت کی۔ بعد ازان ڈپٹی کمشنر نے تالاش شمشی خان روڈ پر جاری تعمیراتی کام کابھی معائنہ کیا اور این۔ ایچ۔اے حکام کو ہدایت کی کہ تعمیراتی کام کو جلد از جلد مکمل کرنے کو یقینی بنائیں،واضح رہے کہ تالاش شمشی خان روڈ پر ٹریفک کو متبادل راستے پر ڈایورٹ کیا گیا ہے۔ متبادل راستے پر ٹریفک رواں دواں ہے۔