پشاور(مانند نیوز ڈیسک)خیبر پختونخوا کی نگراں حکومت نے انتخابات کے لیے پولیس کے لیے فنڈز کی منظوری دے دی۔ پولیس حکام کے مطابق خیبر پختونخوا پولیس کے لیے 50 کروڑ روپے فنڈز کی منظوری دے دی گئی ہے، محکمہ پولیس نے انتخابات کے لیے 75 کروڑ روپے کا مطالبہ کیا تھا۔ حکام کا کہنا ہے کہ مالی مشکلات کے باعث نگراں حکومت نے 50 کروڑ روپے جاری کیے، انتخابات کے لیے ہر ضلع کو 1 کروڑ روپے سے زیادہ کی رقم دی جائے گی۔ پولیس نے کہا ہے کہ فنڈز کا بیشتر حصہ فیول کی مد میں خرچ کیا جائے گا، فنڈز آئندہ ہفتے جاری کیے جائیں گے۔