ڈسٹرکٹ اینڈ سیشن جج کو مسلح افراد نے اغوا کرلیا

ڈی آئی خان(مانند نیوز) سیشن جج وزیرستان شاکر اللّٰہ مروت کو مسلح افراد نے اغوا کر لیا۔ڈیرہ اسماعیل خان میں سیشن جج وزیرستان شاکر اللّٰہ مروت کو مسلح افراد نے اغوا کرلیا ۔ڈپٹی سپرنٹنڈنٹ آف پولیس (ڈی ایس پی) حافظ محمد عدنان کا کہنا ہے کہ ٹانک، ڈیرہ کے بارڈر پر گاؤں بھگوال کے قریب سیشن جج کو اغوا کیا گیا۔ڈی ایس پی کا کہنا ہے کہ مُسلح افراد سیشن جج کی گاڑی اور ڈرائیور کو وہیں چھوڑ کر چلے گئے۔پیپلز پارٹی کے مرکزی سیکرٹری اطلاعات فیصل کریم کنڈی نے سیشن جج وزیرستان کے اغواء کو انتہائی افسوس ناک قرار دیا ہے۔ ان کا کہنا ہے کہ وزیر اعلیٰ بتائیں کہ وہ قیام امن میں کیوں سنجیدہ نہیں۔
وزیر اعلیٰ خیبر پختونخوا علی امین گنڈاپور نے واقعے کا نوٹس لیتے ہوئے آئی جی کو جج کی بحفاظت بازیابی کیلئے اقدامات کی ہدایت کردی۔ وزیر اعلیٰ خیبر پختونخوا کا کہنا ہے کہ جج کو بازیاب کرانے کےلئے ہنگامی بنیادوں پر اقدامات کئے جائیں اور تمام دستیاب وسائل بروئے کار لایا جائے۔
علی امین گنڈاپور نے مزید کہا کہ واقعہ قابل مذمت اور افسوسناک ہے، ملوث عناصر قانون کی گرفت سے بچ نہیں سکتے۔