کوہاٹ (مانند نیوز)ممبرصوبائی اسمبلی شفیع جان اورپی ٹی آئی کے رہنماسلمان شنواری نے جمعرات کے روز کوہاٹ سپورٹس کمپلیکس میں خیبرپختونخوا انڈر23 ریجنل اتھلٹیکس گیم کے تقسیم انعامات کے سلسلے میں منعقدہ تقریب میں بطور مہمان خصوصی شرکت کی۔تقریب سے خطاب کرتے ہوئے ممبر صوبائی اسمبلی نے صوبے میں کھیلوں کے فروغ کیلئے صوبائی حکومت کی طرف سے کی جانے والی کاؤشوں پر روشنی ڈالی۔ انہوں نے کہا کہ علاقائی سطح پر کھیلوں کی سرگرمیاں نوجوان نسل میں مثبت رجحانات کو اجا گر کرتے ہیں اور وہ معاشرے کی برائیوں سے بچنے کے ساتھ ساتھ صحت مند نشونما بھی پاتے ہیں۔ تقریب کے اختتام پر ممبرصوبائی اسمبلی نے یقین دلاتے ہوئے کہا کہ کوہاٹ سپورٹس کمپلیکس کے مزید بہتری کیلئے وہ ہرممکن کوشش کرینگے۔ آخرمیں ایم پی اے شفیع جان اورسلمان شنواری سے انڈر23 ریجنل اتھلیٹکس گیم میں پہلی، دوسری اورتیسری پوزیشن حاصل کرنے والے بہترین اتھلیٹکس کو مڈل پہنائے جبکہ ریجنل سپورٹس آفیسر حضرت اللہ خٹک نے ممبر صوبائی اسمبلی کو شیلڈ پیش کی۔