ملاکنڈ (مانندنیوز )صوبائی حکومت کے عوامی ایجنڈا پرعمل درآمد کے حوالے سے ڈپٹی کمشنر/کمانڈنٹ ملاکنڈ لیویزحامد الرحمٰن کی ہدایت پرایڈیشنل ڈپٹی کمشنر(ریلیف) ملاکنڈ نے ڈسٹرکٹ جیل ملاکنڈ کا دورہ کیا اور وہاں کی صفائی، سیکیورٹی انتظامات، ملاقاتوں کے انتظام، جیل کے عملے کی کارکردگی اور دیگر بنیادی سہولیات کا تفصیلی جائزہ لیا۔ انہوں نے بیرکس میں موجود قیدیوں سے ملاقاتیں کی اور ان کے مسائل بارے دریافت کیا تاہم جیل انتظامیہ کے بارے میں کسی نے کوئی شکایت نہیں کی۔ ایڈیشنل ڈپٹی کمشنر ملاکنڈ نے جیل انتظامیہ کو ہدایات جاری کی کہ جیل کے نظام میں مزید بہتری اور قیدیوں کے حقوق کے تحفظ کے لئے اقدامات اُٹھائے۔