ملاکنڈ (مانند نیوز)ڈپٹی کمشنر ملاکنڈ حامد الرحمٰن نے ریکارڈ روم ملاکنڈ کا دورہ کیا، جہاں انہوں نے ریکارڈ روم کی عمارت، دستیاب ریکارڈ کی نوعیت، اس کی حفاظت، منظم ترتیب اور بروقت دستیابی کے حوالے سے جاری اقدامات کا تفصیلی جائزہ لیا۔ ڈپٹی کمشنر نے ریکارڈ کی مؤثر مینجمنٹ اور اس کی مکمل حفاظت کو یقینی بنانے کی اہمیت پر زور دیا اور متعلقہ عملے کو ہدایات جاری کیں کہ ریکارڈ کو جدید اصولوں کے مطابق مرتب، محفوظ اور قابلِ رسائی بنایا جائے۔ انہوں نے ریکارڈ روم کی بہتری کیلئے جاری اقدامات پر اطمینان کا اظہار کیا اور اس عمل کو مزید مؤثر بنانے کیلئے مختلف تجاویز بھی فراہم کیں۔