دیر پائین (مانند نیوز)تھانہ معیارجندول پولیس کی کارروائی، قحبہ خانہ بے نقاب، خاتون و مرد گرفتار.ایس ایچ او تھانہ معیار محمد ادریس خان نے اپنی پولیس ٹیم اور لیڈی پولیس کے ہمراہ کوٹکے معیار میں کامیاب کارروائی کرتے ہوئے ایک گھر کے اندر قائم قحبہ خانہ بے نقاب کر دیا۔
مخبر کی بروقت اطلاع پر چھاپہ مارا گیا، جس کے دوران ایک خاتون اور ایک مرد کو قابلِ اعتراض حالت میں رنگے ہاتھوں گرفتار کر لیا گیا۔ پولیس نے موقع پر موجود شواہد تحویل میں لے کر ملزمان کے خلاف مقدمہ درج کر کے تفتیش شروع کر دی ہے۔اس موقع پہ ڈی پی او لوئر دیر تیمور خان (PSP) نے کہا ہے کہ ضلع بھر میں فحاشی، منشیات اور دیگر سماجی جرائم میں ملوث عناصر کے خلاف زیرو ٹالرنس پالیسی پر سختی سے عمل درآمد جاری ہے۔ان کا کہنا تھا کہ معاشرتی بگاڑ پیدا کرنے والے کسی بھی فرد یا گروہ کو قانون کی گرفت سے بچنے نہیں دیا جائے گا۔
